-- ADVERTISEMENT --
KALIBO, Aklan—Naga-abot sa haeos 1,000 katawo eon ro gin-aresto sa Russia bangud sa pagpatigayun it hub-eag protesta sa nagkaeain-eain nga parte it nasyon.
Sa Moscow pa eamang hay nag-abot eon sa masobra 330 katawo ro gindakop it mga kapulisan.
Ginkondena man it mga Russian protesters ro ginhimo it andang soldado nga pag-atake sa Ukraine.
May nagpatigayun man it hub-eag protesta sa nagkaeain-eain nga parte it mga nasyon kung siin nagtipon-tipon ro mga raya sa atubang it Russian Embassy.
Ginpaandaman man it Russian government ro andang mga pumueoyo nga indi magpatigayun it hub-eag protesta bangud indi sanda magduha-duha nga arestuhan ro mga raya.
-- ADVERTISEMENT --
