KALIBO, Aklan—Nakataeana eon nga i-repatriate it gobyerno ro mga Filipino nga apektado it COVID-19 surge sa Hong Kong matapos ro mga report nga pila sa mga raya hay ginpahalin it andang employers matapos nga magpositibo sa COVID-19.
Suno kay Presidential Communications Secretary Martin Andanar, ro repatriation effort hay pagapangunahan ni Defense Secretary Delfin Lorenzana.
Nakipag-angot eon sigon si Lorenzana sa Department of Foreign Affairs (DFA) ag konsulada it Pilipinas sa Hong Kong para sa deployment it government air assets, kapareho it mga C-130 ag chartered commercial flights.
Ginkasubo sigon ni Pangueong Rodrigo Duterte ro naging kahimtangan it pilang Overseas Filipino Worker sa Hong Kong rason nga insigidang nagkasa it repatriation.
Una eon nga gin-aku it Hong Kong authorities nga indi eon masarangan it andang health care system ro sobrang kaabu it mga pasyente nga tinamaan it Omicron variant.
