Sangka insidente it panakawan sa Kalibo, padayun pang gina-imbestigahan it mga otoridad

KALIBO, Aklan—Nagapadayon ro imbestigasyon it pulisya angot sa panakawan nga nag-eontad sa Brgy. Poblacion, Kalibo.

Base sa report, sangka 41-anyos nga ginang ro tagreklamo kon siin ginasugid nga natakawan sigon sanda it jewelry nga nagabalor it kapin sa P10,000 pesos.

Raya hay ginakaeakipan it gold nga singsing ag aritos.

Ginapabutyag nga posibleng sa main door it andang panimaeay nag-agi ro suspek hasta nga madinaeag-on nga nakulimbat ro nasambit nga alahas ag iba pang kagamitan.

Nataeopangdan eon lang sigon it tagbaeay nga nakakalhit ro andang mga kagamitan kon siin nadiskubrehan eon lang nanda nga naduea eon ro alahas.

Ro insidente hay ginpakamayad eon lang nga ginparecord sa Kalibo PNP station para sa nagakaigong imbestigasyon.