-- ADVERTISEMENT --
KALIBO, Aklan—Owa nasarangan it Pinoy boxer nga si Jeo Santisima ro naging hampang kontra kay Joet Gonzalez nga ginhiwat sa action-packed fight sa Fresno, California.
Ro featherweight contender nga si Gonzalez hay nagdaog kat punduhon it referee ro hampang sa 9th round sa scheduled 10-round bout sa pamaagi it technical knockout.
Si Gonzalez nga tubong Glendora, California, hay nagnami pa ro record sa 25-2 matapos iposte ro ika-15 knockout.
Samtang, si Santisima (21-4, 18 KOs) nga tumandok it Masbate City hay napiyerdi sa ikaywang kahigayunan “inside the distance” sa sueod it waeong dag-on bilang professional.
