-- ADVERTISEMENT --
KALIBO, Aklan—Gin-anunsyo it International Gymnastics Federation nga umpisa sa Lunes hay indi eon nanda pagpasugtan ro mga Russian ag Belarusian athletes ag officials kaibahan ro mga judges nga maka-intra sa mga kompetisyon.
Kung madumduman, ro Belarus hay kasabwat it Russia sa pag-atake sa Ukraine.
Ro pag-ban sa mga athletes ag officials hay nagakahueogan nga ro daywang federations hay indi makaibahan sa Acrobatic Gymnastics World Championships nga pagahiwaton sa Baku, Azerbaijan halin Marso 10 hasta 13.
Ginpahayag dugang nga ro Russian ag Belarusian national flags hay indi man dapat ibandera maskin ro mga national anthem sa mga hampang it sanctioned it gymnastics federation.
