KALIBO, Aklan—Ginrekomenda it Vaccine Expert Panel it gobyerno nga taw-an it ikaywang booster shot ro mga senior citizen ag mga may sakit ukon comorbidity.
Suno kay Dr. Ted Herbosa it National Task Force against COVID-19, tuyo kara nga masiguro ro dugang nga proteksyon it mga senior citizen ag mga immunocompromised nga indibidwal kontra sa COVID-19.
Dugang pa ni Herbosa, ginahueat eon lang nanda ro magiging desisyon it Inter-Agency Task Force ukon IATF kung paga-aprubahan ukon indi ro pagtao it second booster para sa nasambit nga sektor.
Samtang, nasayuran nga base sa record it NTF ag Department of Health (DOH), may una pang masobra daywang milyong senior citizen ro owa pa nabakunahan rason nga raya makaron ro ginapatutukan sa mga Local Government Unit (LGU) para mai-likaw sanda sa peligro it COVID-19.
