KALIBO, Aklan—Gintalakay sa ginpatigayun nga session it Sangguniang Bayan it Kalibo ro procurement it anti-rabies vaccine it Municipal Health Office (MHO).
Ginapahayag nga training eon lang ro kinahang-ean antes eubusang i-certify it Department of Health (DOH) kung siin sanda man ro magatao it anti-rabies vaccine.
Nasayuran nga owa pa it pondo ro MHO para sa nasambit nga programa rason nga ginsuhestiyon ni Sangguniang Bayan member Augusto Tolentino nga maghimo sanda it proposal.
Raya hay bilang preparasyon engkaso nga magkinahang-ean it bakuna para andang maaprubahan ag maeakip sa supplemental budget.
Tuyo kara nga malikawan ro pagtinaas it kaso it mga naangkit it sapat nga may rabies.
Suno sa MHO, ap-at ka mga nurses ag tatlong doktor ro andang gintaeana para magdumaea kara.
