KALIBO, Aklan—Uman nga ginpadumdum it Commission on Eletions (Comelec)-Aklan ro mga kandidato nga ipabilin ro pagrespito sa kada isaea sa tunga it nagahilapit nga May 9, 2022 national and local elections.
Raya hay kasunod it mga naga-eutaw nga balita nga may pilang kandidato ag supporters nga nagapang-malit sa poster it andang ka-engkwentro sa posisyon.
Suno kay Crispin Raymund Gerardo, tagapaghambae it Comelec-Aklan nga dapat makaangkon it patas nga konsiderasyon ro magtimbang nga parte bangud nga naga-agi eamang ro eleksyon.
Kamana man nga ipabilin ro pag-amiguhan ag manami nga pagsinaeayo sa kada isaea para mapabilin ro katawhayan ag kaayusan.
Matueopangdan nga pormal nga maga-umpisa ro campaign period para sa local candidate sa Marso 25, 2022.
