-- ADVERTISEMENT --
Sumaka eon sa 139 dollars per barrel ro presyo it krudo sa international market sa tunga it pagkabaeaka nga magbawas ro suplay samtang ginakonsidera it Amerika ag European Union nga ibawae ro Russian oil imports.
Halin sa dating 125 dollars kada bariles ko nagtaliwan nga dominggo, lumobo ro Brent Crude sa 139 dollars ag 13 centavos.
Sumaka man sa 130 dollars ag 50 centavos ro kada bariles it US West Texas Intermediate samtang ro Dubai crude, nga masami nga ginagamit sa Pilipinas hay umabot eon ro presyo sa 114 dollars per barrel.
Naalarma man ro mga ekonomista engkaso nga eubusang bawaean it Amerika ag European Union sa International market ro Russian oil imports ag kung magabuhay pa ro bakbakan it Russia ag Ukraine.
