KALIBO, Aklan—Ginkumpirma it Philippine Charity Sweepstakes Office (PCSO)-Aklan nga nagapabilin nga suspendido ro operasyon it “Peryahan ng Bayan”.
Suno kay Financial Management Officer 1 John Martin Alipao it PCSO-Aklan nga owa pa raya it approval halin sa Malacañang para uman nga mag-resume.
Suno kana, ro deed of authority sa pag-operate it “Peryahan ng Bayan” hay halin sa PCSO apang nagka-problema matapos nga makaangkon sanda it violation sa Memorandum of Agreement (MOA).
Ginpahayag dugang nga may gin-isyu nga suspension order si PCSO General Manager Royina Marzan Garma para sa “peryahan ng bayan”.
Matueopangdan nga ko 2019 hay ginsuspendi ni Pangueong Rodrigo Duterte ro tanan nga gaming operation it PCSO kung siin nagtao man it requirement ro Malacañang para magbalik ro pilang ka mga hampang.
