Hugut nga ginamonitor it Department of Science and Technology – Philippine Institute of Volcanology and Seismology (PHIVOLCS) ro bulkang taal sa Batangas ag bulkang Kanlaon sa probinsya it Negros Occidental ag Negros Oriental.
Sa datos it PHIVOLCS, una eon sa Alert level 2 makaron ro Bulkang Taal matapos makalista it 25 pag-uyog ag magbuga it 15,306 tonelada it sulfur dioxide nga may taas nga naga-aabot sa 1800 meters halin sa main crater kara.
Samtang, ginbutang man sa Alert level 1 ro Bulkang Kanlaon matapos nga makalista it 7 pag-uyog ag magbuga it 138 tonelada nga sulfur dioxide nga may taas nga naga-aabot sa 100 meters halin sa main crater.
Bangud kara, ginbawae eon ro pagsueod sa nasambit nga mga bulkan eabi eon sa main crater ag pagsueod sa 4 nga kilometrong radius Permanent Danger Zone (PDZ).
Owa man ginapasugtan ro pagpaeupad it anumang aircraft maeapit sa ibabaw it mga bulkan bangud sa posibleng gulpiyada nga pag-eupok it stream ukon phreatic explosions, volcanic earthquakes, ashfall ukon pagbuga it makalaeason nga gas.
