KALIBO, Aklan—Nadugangan pa ro mga eskwelahan nga nagpasakop sa face-to-face classes sa probinsiya it Aklan.
Suno kay Dr. Miguel Mac Aposin, Schools Division Superintendent it Deparment of Education ukon DepEd-Aklan nga waeo eon ro mga eskwelahan nga nagbalik sa limited nga in-person classes hasta makaron nga Marso 19.
Haeos tanan sigon nga nagpasakop hay pampublikong eskwelahan, kun sa siin gina engganyo man nanda ro mga pribadong eskwelahan.
Maabu pa sigon nga mga eskwelahan ro nagpasa it aplikasyon ag nagahueat pa nga maaprubahan agud nga magpatigayon man it in-person classes matapos nga ipaidaeum sa assessment ag evaluation.
Kaibahan sa nadugang sa listahan hay ro Naba-oy Elementary School it Malay ag Nabas Elementary School.
Nauna eon nga nagpatigayon it limited face to face classes ro Laserna Integrated School, Banga Elementary School, Malinao School for Philippine Craftsmen, Buruanga Elementary School, Dapdap Elementary School it Tangalan ag Maloco National High School.
Samtang, mas pabor sigon si Dr. Aposin sa amat-amat nga pagbukas it mga eskwelahan kada domingo agud nga mabantayan it husto ro pagpatuman it health and safety protocol.
