Gin-anunsyo ni Ukrainian President Volodymyr Zelenskyy nga mataw-an it assistance ro mga Ukrainian nga napilitang maghalin it nasyon bangud sa Russian invasion.
Una kara, ro pagtao it trabaho sa mga lugar kung siin sanda nagapabilin, pagtao it baeay sa mga displaced ag uman nga pagpatindog it mga nasamaran it baeay sa oras nga matapos eon ro giyera ag suporta para sa housing it mga pamilyang nagbakwit halin sa mga lugar kung siin nagapadayun ro giyera hay makabaton sanda it reimbursement it andang utility expenses.
Suno pa kay Zelenskyy may ginplastar man sigon nga coordination center para dumaeahan ro deliveries it humanitarian aid sa Ukraine.
Samtang, uman nga gin-insister ni Zelenskyy ro anang panawagan sa pag-angkon it komprehensibong peace talks sa Russia.
Sa anang ginpagguwa nga video address makaron nga adlaw, ginpahayag ni Zelenskyy nga perming bukas ro tanyag nga mga solusyon it Ukraine para sa katawhayan, mapinuslanon ag matuod nga negosasyon para sa peace ag security.
