KALIBO, Aklan—Padayun eun ro pagnaba it mga nailistang kaso it COVID-19 sa Hong Kong.
Suno kay Bombo International Correspondent Mary Lou Bautista Borra it Hong Kong nga sa makarun maabo eun nga mga bakanteng hospital beds sa andang mga ospital bukon it kapareho ko nagtaliwan nga buean nga haeos nagadoeotdotan eun ro mga pasyente.
Samtang manaba man sigon ro numero it mga nagakamatay bangud sa nasambitan nga sakit.
Ro mga trabahador hay back to work eun man apang ro mga OFW’s hay owa sa gihapon ginapasugtan it andang mga amo nga makaguwa sa adlaw it andang day off.
Strikto man nga gina-implemantar ro pagsuksok it face mask samtang may tig pipila man sigon nga boluntaryong nagasuksok it face shiled bilang dugang nga proteksyo sa virus.
Samtang aminado man si Bautista nga mga matig-a it ueo ro mga chinese ag maabo ro owa nagapaturok it bakuna kontra covid-19 rason nga naexperiensyahan nanda ro surge.
