KALIBO, Aklan—Nabatun eun it mga mangunguma ro pilang ka mga farm machineries nga ginpunduhan it Aklan provincial government.
Samtang nakabatun man it dugang nga mga kagamitan ro pilang ka mga mangingisda nga makabulig agud mas mapaabo ro andang produksiyon.
Raya hay kasunod it ginpatigayon nga launching it Aklan Agri-aqua demonstration farm and training center.
Suno kay Salome David, provincial agriculturist nga tuyo karang mabuligan ro mga mangunguma nga makaangkon it mataas nga produksyon it paeay sa tunga it pagmahae it abuno.
Ro mga nasambitan nga kagamitan sigon hay makatao it mabahoe nga bulig sa mga mangunguma agud nga indi malisdan sa andang pagpanguma.
Nasayuran nga tanan nga mga munisipalidad sa bilog nga probinsya it Aklan hay nakabatun it mga kagamitan nga makabulig sa pagpanguma.
