Naga-abot eon sa 72 percent it 90-million target population ro fully vaccinated eon kontra COVID-19.
Ginpahayag ni Health Secretary Francisco Duque III kay Pangueong Rodrigo Duterte nga ro nasambit nga datus hay hasta ko Marso 20, 2022.
Ro mabahoe nga numero it mga indibidwal nga fully vaccinated ro sambilog sigon sa mga rason kung ham-an may una eon nga manaba nga case trends ro Pilipinas sa makaron.
Pila pa sa mga nakikita nanda nga rason hay ro consistent nga pagsunod it publiko sa minimum public health standards maskin pa nga ginhaeugaan eon ro restrictions it national government sa mga nagtaliwan nga buean.
Base sa survey ko Pebrero, ginpahayag ni Duque nga nagaguwa nga 93 percent sa mga Pilipino ro nagasuksok it face mask samtang 57 percent man ro nagalikaw eon sa mga pagtililipon.
