Maabu ro naga apela kay President Duterte nga indi eon kara pagpirmahan ro Senate Bill No. 2239 ukon ro Vape Bill nga ginpasa it mga senador ko nagtaliwan nga Disyembre 2021.
Suno sa mga naga-oponer sa Vape Bill, masyadong delikado raya nga owa it kinaiba sa sigarilyo.
Pag angkon it sakit ro madangatan it mga nagagamit kara.
Ro grabe pa sa nasambit nga proposed bill, ginpanabaan ro edad it mga pamatan-on nga makabakae ukon makagamit it vape.
Halin sa 21 anyos , gin-obra nga 18 anyos ro pwedeng magbakae.
Maskin siin nga anggulo tan-awon, owa it makitang manami nga rason kon ham-an nga gin-una it mga senador ro Vape Bill sa pihak nga maabu ro dapat nga iprayoridad ag gin-obra pa nanda sa tiempo it pandemya.
Nagreklamo ro health advocates atgiba pang sector sa pagkapasa it Vape Bill.
Ginpahayag it mga doktor nga delikado raya sa ikamayad nga eawas.ugut nga ginpahayag it Department of Health (DOH) nga ro proposed bill hay naga kontra sa gina-promote it gobyerno nga maprotektahan ro ikamayad nga eawas it publiko.
Suk-ean ro makarondaya nga produkto nga nakakasamad it kabuhi eabi eon it mga pamatan-on.
Eowason ro pamatan-on sa nasambit nga bisyo.
