KALIBO, Aklan–Gin-insister ni Mr. Odon Bandiola, consultant it Sangguniang Panlalawigan it Aklan nga bukon it classic debate ro ginpatigayon it Commission on Elections ukon Comelec kan-o eamang kundi nga sangka presidential forum.
Suno kana nga ro ginahambae nga debate hay daywang katawo eamang ro eakot sa ibabaw it entablado ag ginatalakay ro mga partikular nga isyu ukon limitadong topiko eamang.
Apang kabaliskaran ro natabu bangud nga waeo sa siyam nga presidential candidates ro eakot ag may nagkaeain-eain nga topiko.
Ro debate suno kana hay may constructive speech, interpellation ag rebuttal.
Makabig sigon raya nga pag-uyang it oras bangud nga preparado ro mga pangutana.
Maituead man suno kana sa sangka beauty pageant nga may question and answer.
Sa pihak nga parte, gintawag man ni bandiola nga mga PDP-laban hijackers ro cusi wing nga naga-endorso sa kandidatura ni bongbong marcos sa pagka-presidente.
Suno kana nga pabor imaw sa komento ni Senador Koko Pimentel nga gintukod ro PDP-laban it anang ama nga si dating senate president Nene Pimentel agud nga suk-ean ro diktadorya ni Marcos Sr.
Aminado man si bandiola nga kaibahan imaw sa mga original nga miyembro it PDP-laban party sa probinsiya it aklan ko 1998.
Ro nasambit nga partido suno kana ro nagduso it local governenmt code sa kongreso kun sa siin ro unang committee hearing kara sa guwa it metro manila hay ginpatigayon sa aklan ag sanda mismo ro nag-facilitate ni dick inserto nga gintambunga mismo ni Nene Pimentel.
