Taiwan gin-uyog it magnitude 6.7 nga linog

Gin-uyog it magnitude 6.7 nga linog ro kaeawran nga parte it Taiwan.

Suno sa US Geological Survey nga tumama raya sa nasidlangan nga parte it isla.

Unang ginpasaka it USGS ro magnitude 6.9 hasta sa ginpanaog raya sa 6.7.

Ginbag-o man nanda ro daeom it nasambit nga pag-uyog halin sa dating 10 kilometers hay ginhimo eon raya nga 24 kilometers.

Owa man nakalista it anumang danyos ro nasambit nga pag-uyog ag owa eon man nagpasaka ro mga otoridad it tsunami warning.