KALIBO, Aklan–Nagtapos it matawhay ro unang adlaw it campaign period para sa mga kandidato sa lokal nga posisyon sa probinsiya it Aklan.
Suno kay Crispin Raymund Gerardo, tagapaghambae it Commission on Elections ukon Comelec-Aklan nga owa it anuman nga nailistang major untoward incident ro Philippine National Police ukon PNP.
Nagaeaum si Gerardo nga hasta sa matapos ro eleksyon hay owa it matabu nga election-related violence , kun sa siin, kilaea sigon ro aklan nga malinong nga probinsiya kada nagahiwat it eleksyon.
Samtang, padayun man suno kana ro pagpatigayon it checkpoint it kapulisan agud nga masiguro ro kaayusan.
Makita man sigon ro kasadya sa mga pumueuyu partikular sa mga tagasuporta it mga kandidato bangud sa nagkaeain-eain nga gimik it mga pulitiko.
Mabahoe man nga hangkat suno kana sa mga otoridad ro pag-eabag sa physical distancing ag iba pang health protocols it mga supporters it mga kandidato.
