KALIBO, Aklan–Maabo sa gihapon nga ikapabugae ro probinsya it Aklan pag-abot sa mga kagueangan ukon forest nga owa pa na-intrahan ag nagatao it maabong benipisyo sa mga pomoeuyo.
Kaibahan kara ro pilang ka mga kabukiran sa banwa it Madalag, Libacao ag Ibajay.
Suno kay Kynth Edrel Rebaňo,sangka forester nga mabahoe ro importansiya it kagueangan sa pang adlaw-adlaw nga pagpangabuhi.
Haeos tanan nga ginahimo it mga tawo hay konektado sa kagueangan.
Kaibahan kara ro mga kahoy nga ginagamit sa pagpatindog it baeay.
Ro mga kahoy man hay nagatao it malimpyo nga hangin para sa tanan.
Kung owa it mga kahoy magiging polluted ro hangin nga atung ginasinghot.
Samtang kung owa man ro kagueangan hay indi kita makaangkon it matin-aw nga tubi agud mainom.
Bangud kara hay hugot sigon sandang nagapanawagan sa publiko nga padayun nga magpartisipar sa mga hilimuon nga may kaangtanan sa pag-alaga sa kagueangan.
Samtang dapat man sigon nga likawan ro mga aktibidadis nga nakakasamad sa atung kagueangan kapareho it pagkaingin ukon pagputoe it mga punong kahoy.
