Mas pang pagapabaskugon it Department of Agriculture (DA) ag Bureau of Customs (BOC) ro andang pagbantay sa mga piers ag ports kontra sa smuggling it agricultural products, partikular eon it mga carrots.
Ginpahayag ni Agriculture Assistant Secretary Noel Reyes nga kasunod it pagdungog sa Senado kahapon, nagguwa nga naga-abot sa P2.5 million kada adlaw halin ko Enero 2022 ro naging kalugian it mga mangunguma sa La Trinidad, Benguet tuga it agricultural smuggling.
Gin-insister ni Reyes nga owa nagatao sa makaron ro DA it import permits para sa mga carrots rason nga ro mga imported nga ginabaligya sa mga baealigyaan hay bukon it maeayo nga ginpaeusot.
Sa pagdungog it Senado kahapon, ginpahayag ni League of Association at the LA Trinidad Vegetable Trading Areas public relations officer Agot Balanoy nga nagdoble ro volume it smuggled carrots halin 20 percent ko 2021 paadto it 40 percent sa pihak it claims nga ginakumpiska eon it mga ahensya it gobyerno ro mga raya.
