Madinaeag-on nga naangkon it Philippine Statistics Authority (PSA) ro sangka bag-ong milestone matapos nga nakapa-rehistro ro masobra 60 million nga mga Pilipino para sa Step 2 registration it Philippine Identification System (PhilSys).
Nasayuran nga ko Marso 16 hay nag-abot sa 60,483,095 ro kabilugan nga numero it mga Filipino nga nakaibahan sa PhilSys step 2 Registration.
Ro nasambit nga step hay ginakaeakipan it pagbuoe it biometric information kapareho it fingerprints, Iris, ag mga litratong naka-atubang sa mga Registration center.
Nagaeaum man si National Statistician ag Civil Registrar General PSA Undersecretary Dennis Mapa, nga mas maabu pang Pilipino ro makapa-rehistro sa PhilSys bangud sa mga pag-improbar nga ginahimo sa community restrictions.
