KALIBO, Aklan–Nagapati ro grupo it Gabriela Women’s Organization nga nagakadapat eon nga pataasan ro sweldo it mga trabahor sa bilog nga nasyon.
Raya hay kasunod it na-eksperyensyahan nga sunod-sunod nga pagtaas sa presyo it produktong petrolyo ag ro domino effect kara sa mga nagapangunang kinahang-eanon.
Suno kay Lucy Francisco, Chairperson it Gabriela Women’s Organization nga bukon eon it bastante para sa sangka pamilya ro presenteng P395 nga basic minimum wage sa Western Visayas.
Bangud kara, hugut nga naga-apela ro andang grupo sa natungdan nga ahensya it gobyerno nga dugangan it P95 hasta P100 ro adlawan nga sweldo it mga empleyado.
Tuyo kara nga mabuligan ro mga ordinaryong pumueoyo nga makasunod sa nagatinaas nga presyo it serbisyo ag baeak-eon sa nasyon.
