KALIBO, Aklan–Padayun pang gina-imbestigahan it Bureau of Protection (BFP)-Altavas ro naging rason it sunog sa sangka panimaeay sa Sitio Tinub-an, Brgy. Tibiao, Altavas bandang alas-8:30 kahapon it agahon.
Base sa inisyal nga impormasyon, totally burned ro panimaeay nga ginapanag-iyahan ni Zaldy Melchor, 53-anyos, sangka construction worker ag residente it nasambit nga lugar.
Ro baeay ni Melchor hay nahamtang sa nabukid nga porsyon it lugar kamana man nga himo sa light materials rason nga madasig ro pag-eapta it kaeayo nga nagresulta it pagka-ugdaw kara.
Sa inisyal nga pahayag it BFP-Altavas, ginabuebanta nga naga-abot sa P10,500 ro naging danyos it sunog.
Apang, owa pa sigon opisyal nga nakadeklara it mga nasunog nga kagamitan ro pamilya Melchor.
Haeos owa man it naisalbar nga gamit ro pamilya bangud owa it tawo sa andang baeay kat matabo ro sunog.
Ginapatihan nga naghalin ro kaeayo sa andang dirty kitchen.
