KALIBO, Aklan–Sigidas eon ro ginahimo nga preparasyon it gobyerno it Qatar para sa nagahilapit nga FIFA World Cup 2022.
Suno kay Bombo International Correspondent John Harold Teodosio, tumandok it Brgy. Torralba, Banga apang presenteng nagatrabaho sa Qatar nga ginapadasigan eon it gobyerno ro clearing operation ag road construction para matapos antes ro torneo.
Tuyo kara nga malikawan ro paggutok it daeagan it trapiko bangud sa ginaeauman nga pagbuhos it maabu nga mga fans halin sa nagkaeain-eain nga nasyon.
Mag-euwas kara, nagkasugot man ro World Health Organization, Qatar ag FIFA sa pagsueong sa kaeawasan sa World Cup Qatar 2022.
Kaibahan sa mga nakasugtanan hay ro pagpatuman it pagdahan, pagtapna sa pagkalhit it COVID-19 ag pagtao it mga masustansyang pagkaon sa stadiums ag fan zones.
Nasayuran nga kapin sa 32 nga mga team ro magapasakop sa FIFA World Cup 2022.
