KALIBO, Aklan–Ginapalikaw anay it Simbahang Katolika ro publiko sa pagharu ag pagbuyot sa mga Santo sa igaparada nga karo sa nagahilapit nga Semana Santa.
Suno kay Fr. Tudd Belandres, kora paroko it St. John The Baptist Cathedral nga ginabawae anay ro pag buyot ag pagharu sa mga santo kamana man ro pakikipag-aeagawan it mga bueak sa mga karo sa pagahiwaton nga prusisyon agud nga malikawan ro uman nga pagtaas it kaso it COVID-19.
Gin-abiso pa kara nga sa biyernes santo sa veneration of the cross, likawan ro pagharu ag magpahid hay sa krus ag sa baylo hay mag-bow eang.
Sa pihak nga parte, ginlaygay pa it simbahan sa mga tumueo-o nga sa domingo de ramos, magpabilin eamang sa sueod it simbahan ag ro mga ministers ag mga kaparian eon lang ro magalibot agud nga mag-bendisyon sa andang mga daea nga lukay.
Rro seven last words sa good Friday suno kana hay pwedeng magpamati lang sa mga radyo ukon magtan-aw sa telebisyon apang kon gustong magsimba hay maga-umpisa raya it alas-12 it udtro adlaw.
Ginpahayag ni Fr. Tudd nga dapat nga sundon sa gihapon ro mga ginapatuman nga minimum public health standards agud nga malikawan ro pagtaeapnan ag impeksyon halin sa deadly virus.
Samtang, magiging kabulig sigon nanda sa pagpatuman it protocols hay ro PNP, BFP ag ro MDRRMO it LGU-Kalibo.
Samtang, dapat sigon nga likawan it mga pulitiko nga umeksena sa mga aktibidad it simbahan sa semana santa bangud nga may tiempo sigon ro campaign period ag pagpamaeandong.
