KALIBO, Aklan–Nagapanawagan sa bombo radyo ro sangka padre de pamilya sa pageaum nga makita ro anang owa pa naka-uli nga 13 anyos nga unga nga dalagita.
Suno kay Alejandro Liwag it Purok Dose, Oyo Torong St., Kalibo nga ko lunes pa nga adlaw, abril 4 it hapon naduea ro anang unga nga si Angel Liwag.
Ulihi sigon raya nga nakita bandang alas-5 hasta alas 6 it gabi-e ko lunes kaibahan ro anang barkada nga si alyas Hannah nga gina-alegar nga nagsunod sa andang baeay sa Tinigao.
Apang sa pagbalik ni Hannah sa andang lugar ko nagtaliwan nga mga inadlaw hay nagpamalibad raya nga may nasayuran kon siin ro anang unga.
Maskin sigon sa iba nana nga barkada hay owa man it kasayuran.
Nag-eaong man sigon kana ro anang unga apang owa imaw nagpasugot bangud nga idtu magakatueog.
Owa man suno kana sanda it gin-awayan it anang unga.
Nagakabaeaka eon sigon sanda sa anang kahimtangan.
Ginasugid nga ro anang unga hay owa it nobyo apang may mga nagapangasawa.
Angot kara, naga hinyu imaw nga kon sin-o man ro nakasapopo ukon gindayunan it anang unga hay hambaean raya nga mag-uli eon.
Nagdangop eon man sigon imaw sa DSWD ag kalibo pnp agud nga ipa-blotter ro insidente.
Si Angel hay ikaywa sa tatlong magmaeanghud.
