Mga lugar nga apektado ni ‘Agaton,’ nag-eapad pa – Pagasa

KALIBO, Aklan–Mas maabu pang lugar ro paga-ueanon makaron nga weekend bangud sa tropical depression Agaton.

Suno sa Pagasa, haeos owa it naging paghueag ro bagyo rason nga nakahakot pa raya it madamoe nga gae-om.

Ulihing nasapwan ro eain it panyempo sa kaeayuon nga 125 km sa nasidlangan nabagatnan nasidlangan it Guiuan, Eastern Samar.

Angkon kara ro kabaskog it hangin nga 45 kph ag may pagbugsong 55 kph.

Bangud kara, nakapasaka ro tropical cyclone wind signal number one sa Eastern Samar, Dinagat Islands, Siargao ag Bucas Grande Islands.