KALIBO, Aklan–Bangud sa pagpanaeasa it pandemya, haeos daywang dag-on man nga owa ginpasugtan ro pilang ka mga religious activity kaeakip ro nakabugtawan nga prosisyon kada Semana Santa nga sambilog sa ginahueat it mga tumueo-o.
Suno sa sangka deboto nga si Edmundo Lim, umpisa ko nagtaliwan nga dominggo hay sigidas eon ro andang ginahimo nga preparasyon para sa andang karo nga magapartisipar sa prosisyon.
Dag-on 1989 suno kana nag-umpisa ro debosyon ag panata it andang pamilya kada Semana Santa apang temporaryong napaiway it daywang dag-on bangud sa COVID-19 pandemic.
Ro panata it andang pamilya hay mas pa sigon nga nagpabaskog it andang debosyon sa Gino-o.
Para kay Lim, ro milagro hay nakadepende sa tawo ag sa andang pagsalig sa mahae nga Diyos.
Ro pamilya Lim hay sambilog eamang sa mga nagapanag-iya it karo ag nagapasakop sa prosisyon kada Semana Santa sa banwa it Kalibo.
