KALIBO, Aklan—Kasunod it pagdumdom sa Palm Sunday makarun nga dominggo, uman na gintaw-an it punto it Simbahang Katoliko ro importansiya kung ham-an nga ginataw-an it importansiya it mga Katoliko ro nasambitan nga selebrasyon.
Suno kay Fr. Tudd Belanders, Kora Paroko it Saint John the Baptist Cathedral nga kaibahan sa pagselebrar it Palm Sunday hay ro pagwagayway it lukay bilang simbolo it pag-welcome kay Kristo nga imaw ro Hari sa anang pagsueod sa Jerusalem sa sangka fiesta kun sa siin ginrepresenta ni Hesus ro anang kaugalingon sa temple.
Dugang pa kara nga senyalis man ro Palm Sunday sa pag-umpisa it Holy Week.
Samtang ginpaathag dugang ni Fr. Belandres nga indi dapat gamiton ro ginbinditahan nga lukay para sa kaugalingon nga pagpati kapareho it pampasuwerte sa negosyo ukon pangtabog it malas.
Suno kana nga ro kinahangean agud nga makapaeayo sa anuman nga kahalitan hay ro pagpangamuyo ag pagtuo sa Diyos.
