-- ADVERTISEMENT --
KALIBO, Aklan–Gindagsa it mga Overseas Filipino Workers ukon OFW ro gintaeana it embassy nga voting place maeapit sa Hong Kong Island kahapon nga adlaw it dominggo.
Suno kay Bombo International Correspondent Mary Lou Bautista Borra it Hong Kong nga owa eun masyadong nasunod it mga OFW ro ginapatuman nga social distancing bangud sa kagustuhan nga makaboto.
Dugang pa kara nga kasarangan it haba ro linya it mga nagpili agud nga makabato kahapon nga adlaw it dominggo bangud bangud kaabuan kanda hay naga-day off.
Samtang maabo man sigon ro mga nag-uli eun lang maskin nga owa pa nakaboto bangud sa indi masingitan nga pila.
Nasayuran nga kahapon hay pormal eun nga nag-umpisa ro botohan para sa mga OFW nga nakabase sa Hong Kong.
-- ADVERTISEMENT --
