KALIBO, Aklan–Nagkaaberya ro pagbaton kunta it Pantawid Pasada Program ukon PPP cards it pilang driver/operator it Public Utility Vehicles ukon PUVs sa probinsiya it Aklan bangud sigon sa kawad-an it koordinasyon it Land Transportation Franchising and Regulatory Board ukon LTFRB sa Land Bank of the Philippines.
Suno kay Mr. Edgar Igcasenza, presidente it Malinao-Lezo Transport Cooperative nga ko domingo nga adlaw hay natigayon nga gin-asikaso it LTFRB ro dokumento it mga PUV driver/operator nga owa pa nakabaton it subsidy cards.
Pila sa mga may kompletong dokumento hay gintaw-an it ahensiya it rekomendasyon ukon approval letter agud nga makabo-oe it PPP cards sa landbank para sa andang fuel subsidy.
Apang ginsabat sigon it banko nga matuod nga nakabaton sanda it sueat halin sa LTRFB angot sa desisyon it commission on elections ukon comelec sa exemption sa ginapatuman nga spending ban apang bukon it pirmado.
Sa idaeum it Comelec’s Resolution No. 10747, nagakinahangean it certificate of exemption para maipatuman gihapon ro mga aktibidad ag programa sa mga proyekto ag serbisyo it social welfare sa tunga it pagbawae kara.
Engkaso nga indi eagi maasikaso, posibleng pagkatapos eon lang it eleksyon sanda makabo-oe it subsidy cards.
