KALIBO, Aklan–Nagapabilin nga normal ro biyahe it mga RoRo vessel ag motorbanca sa Aklan partikular eun sa Caticlan ag isla it Boracay.
Samtang bukon man it apektado ro biyahe it mga barko maghalin sa Caticlan Jetty port paadto sa Batangas, Mindoro, Romblon ag vice versa.
Suno kay Coast Guard Senior Chief Petty Officer Dominador C. Salvino , Deputy Station Commander for Operations it Coast Guard Aklan nga sa makarun hay nagpatuman eamang sanda it temporary cancellation sa pagbiyahe it mga saeakyang pangdagat engkasong mabaskog ro humbak it tubi.
Apang anuman nga oras ag maging normal ro ilog it tubi hay ginabalik sigon nanda ro tanan sa normal nga operasyon.
Dugang pa kara nga sa makarun hay naka-monitor sanda sa nagapadayun nga tropical depression Agaton apisar nga bukon it masyadong apektado ro probinsya.
Sa pihak nga parte, ginpahayag man ni Salvino nga sa pihak it naexperiensyahan nga pauean-uean hay nagapadayun ro pagbuhos it mga turista sa Isla it Boracay.
Apang sa makarun suno pa kana hay kanselado ro tanan nga mga water sports sa Isla.
