Numero it mga apektado sa pagpanaeasa it bagyong Agaton, humampak eon sa masobra 100-K

Naga-abot sa 95,741 nga pamilya ukon katumbas it 139,146 nga indibiduwal ro apektado it bagyong Agaton sa siyam nga mga lugar sa nasyon.

Base raya sa 8:00 AM update it National Disaster Risk Reduction and Management Council (NDRRMC) makaron nga adlaw.

Partikular nga apektado suno sa NDRRMC hay ro kapin sa 274 nga mga Barangay sa mga rehiyon it Bicol, Western, Central ag Eastern Visayas, Northern Mindanao, Davao Region, SOCCSKSARGEN, CARAGA ag BARMM.

Halin sa nasambit nga numero, naga-aabot sa 4,681 nga pamilya ukon katumbas it 17,070 indibiduwal ro temporaryong nagatinir sa mga evacuation center samtang ro iba hay nakiki-istar sa andang mga paryente.