Hugut ro panawagan it Commission on Elections (COMELEC) sa mga kandidatong nagapadaeagan para sa May 9, 2022 elections nga indi pag-eaktan it pamulitika ro pagtao it bulig sa mga lugar nga naapektuhan it Tropical Depression Agaton.
Suno kay COMELEC Commissioner George Garcia, ro mga kalamidad hay indi malikawan rason nga ro calamity funds eamang it mga local government units (LGUs) ro pagagamiton basta ipahisayod eamang raya sa andang local offices.
Kasunod kara, gin-engganyo man ni Garcia ro mga incumbent candidates ag iba pang kandidato nga likawan ro pagbutang it campaign materials sa mga igatao nga relief goods sa mga apektado it bagyo bangud pwede raya nga maging “ground” sa disqualification.
Kung madumduman, ro poll body hay presenteng nagapatuman it public spending ban halin Marso 25 hasta May 8, 2022 nga kaparte it pagpahaum it sa Mayo 9.
