-- ADVERTISEMENT --
Dismayado ro liderato it Senado sa pag-veto ni Pangueong Rodrigo Duterte sa SIM Card Registration law nga una eon nga naipasa sa daywang kapueungan it Kongreso.
Madumduman nga ko 2021 pa raya naaprubahan sa Kamara ag sa owa magbuhay hay sa Senado samtang naratipikahan man ko Pebrero 2, 2022.
Suno kay Senate President Vicente Sotto III, medyo pabor pa sa bahin it mga kriminal ro pagkabasura it andang ginpasa nga proposisyong laye.
Maskin ro ibang mamalidha hay nagakanugon man sa nasambit nga bill.
Apang, una eon nga ginpahayag it Malacañang nga rason nga gin-veto ro proposisyon hay bangud nagapati si Pangueong Duterte nga kinahang-ean pa it mas maidid nga pagtuon angot kara.
-- ADVERTISEMENT --
