Naga-abot sa masobra P700 million eon ro nailistang haega it danyos sa agricultural commodities matapos ro pagpanaeasa it bagyong Agaton.
Suno sa Department of Agriculture (DA), base sa pinakaulihing typhoon bulletin, ro damage ag losses sa agrikultura it nagtaliwan nga bagyo hay kapin sa P703.3 million.
Sa makaron, apektado it nasambit nga bagyo ro 11,666 nga mangunguma ag ro andang volume it production loss hay 40,850 metric tons (MT).
Apektado man ro 17,530 hectares it agricultural areas sa Western Visayas, Eastern Visayas, Zamboanga Peninsula, Soccsksargen ag Caraga.
Kaibahan man sa mga apektadong commodities ro paeay, mais, high value crops ag livestock.
Apang, ro natungdan nga mga data hay subject pa sigon sa validation.
Eauman sigon nga madugangan pa ro damages ag losses sa mga apektadong lugar samtang nagapadayun ro andang assessment.
