KALIBO, Aklan–Bangud sa ginapangatubang nga pandemya, owa it anuman nga aktibidad ro Hong Kong makarun nga Eastern Sunday.
Suno kay Bombo International Correspondent Mary Lou Bautista Borra nga maskin ro simbahan sa nasambitan nga nasyon hay sarado kasunod it naga-eksister nga protocol agud nga malikawan ro pagtaeapnan it COVID-19.
Kapareho it anang amo sigon nga mga Chinese nga ginpili eun lang nga maghanda it pagkaon sa andang panimaeay ag nagtipon-tipon ro andang pamilya.
Samtang may mga ibang residente man sigon nga nagasaka sa mga kabukiran.
Ro mga mahilig man sigon sa baybay hay naga-adto sa andang kaiping nga Isla agud nga magbakasyon.
Nasayuran nga sa Abril 21 pa nakataeanang uman nga makabalik sa normal ro tanan nga pagsinueondan sa Hong Kong.
