-- ADVERTISEMENT --
Matapos ro daywang beses nga nakaangkon it oil price rollback, eauman eon sigon sa adlaw it Martes ro mabahoe nga oil price hike eabi eon sa presyo it diesel.
Suno sa mga energy sources, ro fuel price forecast sa Abril 19 hasta 25 trading week hay may una eon nga posibleng dugang nga presyo sa diesel nga P1.70 hasta P1.80 kada litro.
Ro presyo man it gasolina hay posibleng sumaka it P0.40 hasta P0.50 kada litro.
Base sa year-to-date adjustments, ro standard increase sa gasolina hay maga-abot sa P15 kada litro samtang P26.65 sa kada litro it diesel ag P21.10 ro kada litro it kerosene.
Masami nga gina-anunsyo ro oil price adjustment sa adlaw it Lunes ag ginapatuman sa adlaw it Martes.
-- ADVERTISEMENT --
