-- ADVERTISEMENT --
Eubusan eon nga ginbasura it Commission on Elections (Comelec) ro disqualification case nga ginpasaka kontra kay Presidential aspirant Bongbong Marcos.
Sa ruling nga pirmado ni Presiding Comelec Commissioner Socorro Inting, ginbasura ro reklamo bangud sa kakueangan it merito.
Nakabaehag sa desisyon nga base sa 1987 constitution kuwalipikado si Marcos nga magpadaeagan sa ano mang posisyon sa eleksyon.
Ginpahayag ni Inting nga ro konklusyon sa petisyon hay umabot sa konsultasyon it First Division.
Kaibahan sa mga petitioners sa kaso sanday Margarita Salonga Salandanan, Crisanto Ducusin Palabay, Mario Flores Ben, Danilo Austria Consumido, Gil Fernando Derilo, Raoul Hafalla Tividad, Nida Mallare Gatchalian ag Nomer Calulot Kuan.
-- ADVERTISEMENT --
