KALIBO, Aklan–Padayun ro pag-engganyo it Provincial Environment and Natural Resources Office ukon PENRO-Aklan sa publiko nga makibuylog sa mga ginapatigayon nga aktibidad agud nga mas mataw-an it haega ro atong dunang manggad.
Suno kay Ms. Merlene Aborka it PENRO-Aklan nga ro kada isaea hay may mabahoe nga maibulig para sa komunidad.
Suno pa kana, ro tanan nga tawo hay nagapaguwa it carbon dioxide rason nga dapat man nga magtanom kita it kahoy nga imaw ro nagasaeap kara.
Samtang bilang kaparte it pagselebrar it Earth Month hay nagpatigayon man sigon ro andang taeatapan it nagkaeain eain nga aktibidad agud mas nga mapaeapad pa ro andang kampaniya para sa ikamayad it kalibutan.
Pila eamang kara hay ro andang ginahiwat nga coastal celan-up nga ginpartisiparan it boy scouts of the philippines, Aklan council, ag ro daywang ka mga eskuwelahan nga imaw ro Makato Integrated School ag Numancia Integrated School.
Samtang naghiwat man sigon sanda it Tree planting kaibahan ro Kalibo Save the Mangrove Association ag Philippine Coast guard.
Samtang may una man nga Photo exhibit nga nag-feature it mga natural resources it tanan nga mga kabanwahanan sa probinsya.
