KALIBO, Aklan–Gin-anunsyo it Department of Education ukon DepEd-Aklan nga suspendido ro klase sa tanan nga lebel sa mga pampublikong eskwelahan umpisa Mayo 2 hasta 13 bangud sa mga aktibidad nga may kaangtanan sa national and local elections sa nasyon sa Mayo 9.
Suno kay Dr. Miguel Mac Aposin, schools division superintendent it DepEd-aklan nga raya hay base sa DepEd order nga gin-isyu kato pang Agosto 5, 2021.
Maskin nga owa it klase ro mga estudyante, ro mga manugturo sigon hay ginaeauman sa gihapon nga mag-report sa andang mga eskwelahan sa mga adlaw nga owa it election-related duties ukon activities.
Samtang, preparado eon man ro mga manugturo nga magaserbi sa eleksyon matapos ro mga serye it mga seminars ag trainings.
Haeos 6 sigon nga mga manugturo ro nagpasakop sa local absentee voting.
