-- ADVERTISEMENT --

KALIBO, Aklan–Daywang adlaw antes ro mismong National and local election mapaidaeom ro mga  vote counting machine ukon VCM sa final testing and sealing nga igapatigayon it Commission on Elections (Comelec)-Aklan sa mga polling center sa bilog nga probinsya it Aklan sa adlaw it Sabado, May 7.

Tuyo kara nga masiguro nga nagakaigo ag owa it kapalpakan nga mag-eontad sa mismong adlaw it eleksyon.

Ginpahayag ni Crispin Reymund “Dodoy” Gerardo, tagapaghambae it Comelec-Aklan nga  engkaso nga may matumod  nga damage sa sangka machine hay paga-ubrahan raya it nagakaigo nga report ag iga-sumite sa COMELEC control center para maubrahan it insigida nga aksyon.

Suno pa kay Gerardo nga ro katapusan nga parte it nasambit nga testing hay igabalik sa re-zero ro mga machines ag raya hay magatinir kaibahan ro PNP sa voting center ukon sa lugar nga may hugut nga seguridad ag makit-an it tanan.

Samtang, ro mga nasambit nga machine hay may haum nga mga battery engkaso nga makaangkon it power interruption.

-- ADVERTISEMENT --

Ginapanawagan man it COMELEC-Aklan nga  kinahangean gid ro pag-asistir it AKELCO sa mismong adlaw it eleksyon bangud apisar nga may battery ro sangka machine hay indi raya makasarang it  mapaeagnagon nga brownout.