-- ADVERTISEMENT --
KALIBO, Aklan–Matapos ro pilang buean nga pakikipagsukoe sa surge it COVID-19, nagbalik eun makarun sa normal ro pangabuhi it mga residente sa nasyon nga Hongkong.
Suno kay Bombo International Correspondent Mary Lou Bautista Borra it Hongkong nga ginkakas eun it gobyerno sa nasambitan nga nasyon ro mga ginapatuman nga hugot nga pagsinueondan.
Sa video nga ginpakita ni Borra sa Bombo Radyo, owa eun naga-obserba pa it social distancing ro mga pomoeuyo nga nagapamasyar sa mga pampublikong lugar.
Samtang ro mga Filipino man sigon hay ginapasugtan eun it andang mga amo nga magguwa sa adlaw it andang day off.
Dugang pa kara nga sangkiri eun lang makarun ro andang naililistang mga kaso it covid-19 rason nga nagbalik eun ro tanan sa normal.
-- ADVERTISEMENT --
