KALIBO, Aklan–Ginapasiguro it National Grid Corporation of the Philippines ukon NGCP nga haom ro andang taeatapan agud nga makatao it maayos nga serbisyo sa adlaw it eleksyon.
Suno kay Reagahn Alcantara, spokesperson it NGCP-6 nga umpisa pa ko nagtaliwan nga dag-on hay ginpahauman eun nanda ro 2022 national and local elections.
Apang ko buean eamang it Pebrero kat andang gintutukan it husto ro pagpatigayon it waea tuo nga maitenance.
Kamatuoran sigon kara hay nagtukod sanda it NGCP power task force election team sa bilog nga nasyon.
Samtang, kanselado man sigon makarun ro andang mga igapatigayon nga maintenance ag nakataeanang igabalik sa Mayo 16.
Sa pihak kara, owa sigon nanda ginaduea ro opurtunidad nga makaangkon it unscheduled power interruption nga bukon eun it sa kontrolado it andang taeatapan.
May kaangtanan kara, gapangayo sigon sanda it bulig sa komunidad mas kapin ro paglikaw anay sa pilang ka mga aktibidad nga makaapekto sa linya it kuryente.
