KALIBO, Aklan–Nagpanawagan ro sangka batikan nga abogado sa probinsya it Aklan sa mga pumueoyo nga respituhon kung ano man ro magiging resulta it presidential election.
Raya hay sa tunga it mga panawagan ag protesta it pilang grupo matapos nga magpanguna si dating senador Ferdinand “Bongbong” Marcos Jr. sa nagapadayun nga hueoyupan.
Base sa partial and unofficial vote count it KPB-Bombo Radyo Quick Count naga-abot eon sa masobra 31 million ro nabuoe nga boto ni Marcos.
Ginpahayag ni Atty. Plaridel Morania nga dapat indi pagbungkagon ni Marcos ro Philippine Commission for Good Governance (PCGG) sa oras nga magpungko eon raya sa pwesto.
Nasayuran nga ro pinaka-tuyo it PCGG hay mabawi ro ill-gotten wealth it mga Marcoses.
Mag-euwas kara, nagaeaum si Atty. Morania nga maayos eon ni Marcos ro isyu angot sa P203 billion nga estate taxes kamana man nga magfile it income tax return.
Dapat sigon nga magserbi imaw nga manami nga halimbawa sa mga Filipino eabi eon sa mga pamatan-on.
Raya hay mahimo eamang nana pinaagi sa pagsunod sa ginapatuman it laye.
