KALIBO, Aklan–Nagapati si Aklan 1st district Sangguniang Panlalawigan member Atty. Harry Sucgang nga mabahoe ro posibilidad nga uman nga mapaiway ro barangay elections sa Disyembre 2022.
Suno kana nga owa it mahimo kara ro publiko bangud ro pagdesisyon hay nakadepende sa kongreso.
Pagapaburan man sigon raya it mayoriya it mga kongresista bangud nga ro pinaka-rason it postponement hay agud nga makatipid sa pondo sa atubang it naexperiensiyahan nga covid 19 pandemic.
Ginasugid nga masobra sa 8-billion pesos ro posibleng magastos it gobyerno sa eleksyon.
Samtang, gindugang pa ni Atty. Sucgang nga imposibleng maging non-political ro mga barangay officials ukon owa it ginapaburan nga kandidato bangud nga kinahangean nanda nga makaangkon it “kapit” para sa andang mga proyekto.
Mag-eowas kara, kaeabanan man sanda nga ginagamit kada eleksyon it mga pulitiko.
Engkaso kunta nga nagdaog ko eleksyon, plano nana nga iduso ro eubusan nga pagduea sa eleksyon ag i-appoint eon lang it mayor ro mga barangay kapitan ag ro kapitan ro maga-butang it anang mga kagawad.
Sa raya suno kana nga pamaagi hay malikawan ro gulo ag ro vote buying.
