KALIBO, Aklan–Nagapadayun pa ro imbestigasyon it mga otoridad sa Japan angot sa pagbaril-patay kay dating Japanese Prime Minister Shinzo Abe.
Suno kay Bombo International Correspondent Arnel Punzalan nga nagapabilin nga una sa stage of shock ro mga pumueoyo bangud sa tumaeagsahon nga hitabo.
Sa sueod sigon it masobra daywang dekada nana nga pagtinir sa Japan, raya ro unang kahigayunan nga may natabo nga shooting incident nga ginakaeakipan it mataas nga opisyal it gobyerno.
Base sa pinakaulihing imbestigasyon, ginapatihan nga may kaeain it buot ro suspek nga si Tetsuya Yamagami sa former Prime Minister bangud sa gina-alegar nga pagiging eakot kara sa grupo nga gina-akigan it suspek.
Ro patay nga eawas ni Abe hay gindaea eon sa andang baeay sa Tokyo halin sa Nara hospital.
Samtang, ro eubong hay nakataeana eon sa adlaw it Martes, Hulyo 12.
