KALIBO, Aklan–Opisyal eon nga nagtapos ro pagbaton it Commission on Elections (Comelec) it mga magapa-rehistro para sa nagahilapit nga Barangay ag Sangguniang Kabataan elections sa Disyembre 5, 2022.
Suno kay Crispin Raymund Gerardo, tagapaghambae it Comelec-Aklan nga napuno ro andang opisina sa ulihing adlaw it voter registration kahapon, Hulyo 23.
Ginaeauman eon sigon nanda ro pagbuhos it maabu nga mga gustong magparehistro sa last minute.
Owa eon suno kana it extension nga ginatao ro komisyon.
Gintinguhaan sigon nanda nga matapos ro pagrehistro sa mga pumueoyo nga una sa sueod it bisinidad antes magtapos ro voter registration.
Naghinyu man si Gerardo sa publiko nga tempranuhan sa masunod ro pag-adto sa andang opisina ag indi eon paghueaton pa ro ulihing adlaw para magpa-rehistro agud nga matapos ro traksaksyon.
Nasayuran nga kaabuan sa mga bag-ong botante hay naga-edad 15 hasta 17 anyos.
